"Вершы-вершаванкі для Мікіткі і Міланкі"

гадзіна вясёлага верша

     Кожны месяц у дзіцячую бібліятэку наведваюцца выхаванцы дзіцячых садкоў горада, каб прыняць удзел у разнастайных мерапрыемствах, якія праходзяць у рамках праекта "І родны край, і мову не разлюбім". 

     Так, 23 сакавіка для дзетак з ЦРД "Вясёлка" была праведзена гадзіна вясёлага верша "Вершы-вершаванкі для Мікіткі і Міланкі". Гасцей бібліятэкі вітала вядучая. Яна прапанавала дзецям паглядзець лялечны спектакль "Чаму кот з сабакам не сябруюць". Затым лялькі чыталі гледачам вясёлыя вершы. Выхаванцы былі не проста гледачамі, але і прымалі актыўны ўдзел у спектаклі: адгадвалі загадкі, дружна звалі казачных герояў.

     А калі дзея скончылася, то маленькіх чытачоў ахапіў свет дзіцячай перыёдыкі. Яны з цікавасцю гарталі старонкі знаёмых і новых часопісаў.