"Вясковыя сябры"

літаратурна-пазнавальная гульня

     У рамках праекта "І родны край, і мову не разлюбім" у дзіцячай бібліятэцы прайшла літаратурна-пазнавальная гульня “Вясковыя сябры”, удзельнікамі якой сталі выхаванцы дзіцячага сада № 3.

     Вядучая пазнаёміла хлопчыкаў і дзяўчынак з хатнімі жывёламі і правяла гульню-віктарыну “Якія бываюць хатнія жывёлы?”, высветліла, ці ведаюць дзеці, як падаюць голас жывёлы. Удзельнікам была прапанавана гульня “Кошачка”, дзе дзеці павінны былі падабраць словы, якія характарызуюць хатніх жывёл. Таксама яны адгадвалі загадкі. Весела прайшоў арт-конкурс: дзеці па чарзе падыходзілі да мальберта і малявалі жывёл.