"Па старонках роднай мовы"

літаратурнае падарожжа да роднай мовы

     23 лютага выхаванцы ЦРД “Вясёлка” разам з бібліятэкарамі дзіцячай бібліятэкі адправіліся ў літаратурнае падарожжа “Па старонках роднай мовы”. 
     Пачалося падарожжа з гульні “Знаёмства”. Хлопчыкі і дзяўчынкі перадавалі кветачку адзін аднаму і называлі хто яны (хлопчык ці дзяўчынка) і сваё імя. Пасля знаёмства ўсе адправіліся на цягніку ў падарожжа (станавіліся адзін за адным і ехалі).
     Першы прыпынак называўся “Ветлівыя словы”. Усе дзеці хорам называлі ветлівыя словы: “прывітанне”, “прабачце”, “дапабачэння”, “дзякуй”, “дабранач”, “добры дзень” і іншыя.
     Цягнік паехаў далей і спыніўся на прыпынку “Павучальны”. Перад дзецьмі стаяў кошык. Адгадаўшы загадку, яны даведаліся, што ў ім ляжалі кнігі. І бібліятэкар пачытала некалькі вершаў на беларускай мове.
Скарбонкай народнай мудрасці і назіральнасці лічацца беларускія загадкі. Менавіта ім быў прысвечаны наступны прыпынак “Беларуская загадка”. 
     На апошнім прыпынку “Забаўлянка” хлопчыкі і дзяўчынкі разам з бібліятэкарам гулялі ў гульню, якая на рускай мове называецца “Эхо”.
     Напрыканцы свята бібліятэкары падарылі хлопчыкам і дзяўчынкам  закладкі з серыі “Падарожжа з Кніжасцікам”, дзе дзеці пазнаёміліся з кнігай Рыгора Барадуліна “Сябрына”.