“Хто жыве у цераме?”

літаратурная гульня да 110-годдзя з дня нараджэння С.Шушкевіча

     У раённай дзіцячай бібліятэцы для дзяцей старэйшых груп дзіцячага сада №3 прайшла літаратурная гульня “Хто жыве у цераме?”. Мерапрыемства было прысвечана 110-годдзю з дня нараджэння С.Шушкевіча, выдатнага беларускага пісьменніка, аўтара дзівосных твораў для дзяцей.

     Мэта мерапрыемства - пазнаёміць дзяцей з беларускім пісьменнікам, яго творчасцю, выклікаць цікавасць да твораў на беларускай мове.

     Удзельнікі вельмі ўважліва слухалі вершы аўтара-юбіляра. Кожны верш суправаджала гульня або віктарына. Так, напрыклад, пасля прачытанага верша “Верабейка”, праходзіла гульня “Хто хутчэй пабудуе хатку вераб’ю?”. Калі быў прачытаны верш пра птушак “Нашы сябры”, дзеці адказалі на пытанні віктарыны “Крылатыя сябры”. Усе разам узгадалі, чым можна пакарміць птушак, якія птушкі зімуюць у нас. Спадабалася дзецям гульня “Снежкі” пасля прачытанага верша “Наша змена”.

     Такім чынам, дзеці ў займальнай форме пазнаёміліся з творчасцю беларускага пісьменніка.