Фальклорны кірмаш

           Фальклор – унікальны сродак перадачы народнай мудрасці, адзін з дзейсных фактараў фарміравання нацыянальнай самасвядомасці.  1 лістапада бібліятэкары аддзела па рабоце з дзецьмі цэнтральнай раённай бібліятэкі  запрасілі дзяцей на пазнавальна-забаўляльную гадзіну «Фальклорны кірмаш». Удзельнікамі мерапрыемства сталі навучэнцы 4-5-х класаў сярэдняй школы №1 імя А.С. Пушкіна, якія наведваюць аздараўленчы лагер. Школьнікі звярнуліся да традыцый продкаў, да лепшых здабыткаў мінулага,  прыняўшы ўдзел у гульнях і конкурсах «кірмаша».  З вялікім задавальненнем дзеці адгадвалі загадкі, успаміналі народныя прыказкі і прымаўкі. Гульні «Бабка Еўка і дзед Талаш», «Сляпы музыкант» выявілі творчыя здольнасці ўдзельнікаў.  У гульнях «Пярсцёнак», «Гарачая бульба», «Рэдзька» хлопчыкі і дзяўчынкі праявілі спрыт і вынаходлівасць. Весела і вельмі хутка праляцела гадзіна сустрэчы. Напрыканцы мерапрыемства дзеці прагледзелі ўрывак з мультфільма «Прыгоды Несцеркі».